Cenazeyê kolberê bi îşkenceyê hatibû kuştin radestî Îranê hat kirin « Roj Nûçe

21 Nisan 2024 - 20:36

Cenazeyê kolberê bi îşkenceyê hatibû kuştin radestî Îranê hat kirin

Cenazeyê kolberê bi îşkenceyê hatibû kuştin radestî Îranê hat kirin
Son Güncelleme :

01 Mayıs 2021 - 10:50

182 views

Cenazeyê kolber Hesen Keçelano yê ku eskerên tirk ew sax girtibûn û bi îşkenceyê qetil kiribûn, radestî Îranê hat kirin.

Behnam Samadî (17) û bavê 5 zarokan Hesen Keçelano (44) yên li ser sînorên Wan û Îranê kolberî dikirin, eskeran di 14’ê nîsanê de li Gundê Şexsicih yê navçeya Ebexa Wanê binçavkiribûn û biribûn qereqolê. Eskeran li qereqolê heqaret û îşkence li her du kolberan kiribûn. Pişt re Hesen Keçelano yê ku eskeran biribûn danîbûn ser sînor, ji ber îşkenceya ku lê hatibû kirin jiyana xwe ji dest dabû. Piştî ku eskerên Îranê cenazeyê Hesen Keçelano yê bi saetan li ser sînor mabû negirtibûn, eskerên tirk cenaze girtibûn û ji bo otopsiyê biribûn Saziya Tiba Edlî (ATK) ya Wanê.

LÊPIRSÎN BERDEWAM DIKE

Li ser serlêdana fermî ya Îranê cenazeyê Keçelano piştî otopsiyê di 27’ê nîsanê de ji Îranê re hatibû şandin û Îranê cenaze radestî malbatê kir. Têkildarî buyerê bi sûcdariya “bi zanebûn kuştinê” lêpirsîn hatibû destpêkirin. Di çarçoveya lêpirsînê de îfadeya 3 eskeran hat wergirtin. Behnam Samadî ku îşkenceyeke giran lê hatibû kirin, di hevpeyvîna ku dabû ajansa me de gotibû ku bi dehan eskeran îşkence li wî kiriye.

YORUM YAP

YASAL UYARI! Suç teşkil edecek, yasadışı, tehditkar, rahatsız edici, hakaret ve küfür içeren, aşağılayıcı, küçük düşürücü, kaba, pornografik, ahlaka aykırı, kişilik haklarına zarar verici ya da benzeri niteliklerde içeriklerden doğan her türlü mali, hukuki, cezai, idari sorumluluk içeriği gönderen kişiye aittir.